Uncategorized

የትግል ትርጉሙ ምንድን ነው? ፍፁም አየነው —-

ትግል በደልን ለማሸነፍ የሚደረግ እንቅስቃሴ ነው፡፡በደል እስካልቆመ ድረስ ትግል አይቆምም፡፡ትግል የሚሰለቸው ወይም በትግል ተስፋ ቆርጦ ከዳር ቆሞ የሚመለከት ለባርነት እጁን የሰጠ ነው፡፡የበዳዮችን ወይም የጨቋኞችን የበላይነት አምኖ የተቀበለ ፦ታሪኩን የዘነጋ ፣በወኔና በድል እና የድል ታሪክ የተገነባ ማንነቱን የካደ ነው፡፡
በትግል የማያምን ትውልድ ስለድል ሊያስብ አይችልም፡፡ጨቋኞችን መታገል የሚፈራ ትውልድ ባርነትን መቀበል ግዴታው ይሆናል፡፡ያለ ትግል የተገኘ ድል ተገዢነት ፣ተንበርካኪነት ፣ተሸናፊነት ነው፡፡
ራሱን የሚያከብር ፣ለራሱ ዋጋ የሚሰጥ ፣ሰውነቱን የሚረዳና አቋም ያለው ሰው ትግል ማለት ለሰውነት የሚደረግ ትንቅንቅ እንደሆነ ይረዳል፡፡ድንበሩ የተጣሰ፣ክብሩ የተገረሰሰ ፣ህልውናውን ያጣ ሰው መታገል ቀጥተኛ የሰዋዊነት መገለጫው ነው፡፡ዝምታ ግን ከሰውነት ክብሩ የማነስና እንደ እንስሳ መኖር የመጀመሩ ትልቅ ማሳያ ነው፡፡ትግል ለራሳችን ያለንን ክብር የምንሰፍርበት ቁና ነው፡፡ጭቆና ባለበት እና የትግል ድምፆች በማይስተጋቡበት እና በተዋጡበት መንደሮች ባርነትና ተጠዢነት ጥላውን ያጠላባቸው ብሎም በበላይነት የሰፈነባቸው ናቸው፡፡
የሰው ልጅ ትልቁ ክብሩ ነፃነቱ ነው፡፡በምድር ላይ በህይወት ስኬት እና የስኬት ሂደት የሚያገኛቸው ቁሳዊ በረከቶች(ስራው ፣ሃብቱ ፣ንብረቱ) ያለ ነፃነት የተገኙ ከሆኑ እንደ ንጉስ ፈረስ ተመችቶት የሚኖር የሸክም እንስሳ እንጂ ሌላ ምንም ሊሆን አይችልም፡፡በባርነት ውስጥ ሆኖ ስለ ምንም ምክንያት ሲባል ትግልን ችላ ያለ ሰው ነፃነቱን ስለመነጠቁ ፍቃደኝነቱን የገለፀ ነው፡፡ለነፃነት መታገል የሰው ልጅ ተፈጥሯዊ ባህሪው ነው፡፡ነፃነት ለሰው ልጅ የዘሩ የመቀጠያ ቀመር ነው፡፡ነፃ ሳትሆን ትግል አልባ ህይወት ውስጥ ልትኖር አትችልም፡፡ወይ እየታገልክ ትሞታለህ ፤አልያም ባሪያ ሆነህ ትኖራለህ፡፡ምርጫው ያንተ ነው፡፡
ጨቋኞችንም የሚያስቃዣቸው የተንበረኩላቸው ሚሊዮኖች ሳይሆኑ እንቢ አንንበረከክም ያሏቸው ጥቂቶች ናቸው፡፡የጨቋኞች ስጋት መሆን ማለት የነፃነት ትንፋሽ መሆን ማለት ነው፡፡ትግል ደስ ይላል ፤ታግሎ ማሸነፍ ደግሞ ዕረፍት ይሰጣል፡፡ቶሎ ለማረፍ ከፈለክ ጠንክረኸ እና ሳትሰለች ታገል፡፡

የህዝብ ትግል ያሸንፋል!!!

Categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s