ሬዲዮ ዘመራ

በጎንደር ከተማ የተነሳው ህዝባዊ አመጽ አንደኛ አመት በከተማዋ እየታሰበ ነው

Image result for gonder protest

 “የወልቃይት የአማራ ማንነት ይከበር” በሚል መነሻ የተጀመረው ህዝባዊ እንቅስቀሴ ወደ አጠቃላይ የመብት እና የእኩልነት ጥያቄዎች ተሸጋግሮ፣ በሰሜንና ደቡብ ጎንደር፣ በምዕራብና ምስራቅ ጎጃም እንዲሁም በአዊ ዞን ከፍተኛ ህዝባዊ የለውጥ እንቅስቃሴዎች መደረጋቸው የሚታወስ ሲሆን፣ አመጹ የተጀመረበትን ቀን ለመዘከር የተለያዩ እንቅስቃሴዎች በመደረግ ላይ ናቸው። ይህ ህዝባዊ አመጽ የስርዓቱን ህልውና አደጋ ላይ መጣሉን ተከትሎ፣ አገዛዙ አመቱን በሙሉ አገሪቱን በአስቸኳይ ጊዜ አዋጅና በወታደራዊ አገዛዝ ለመግዛት ተገዷል።

የጎንደር ከተማ ህዝብ ቀኑን በቤተክርስቲያን በመገኘት የሻማ ስነስርዓት በማድረክ ዘክሯል። ወታደሮች፣ የብአዴን እና የህወሃት የደህንነት አባላትም ሲቪል በመልበስ ሲንቀሳቀሱ ውለዋል። በአቦ ቤተክርስቲያን አርማ የሌለው የኢትዮጵያ ባንዲራ እንደተሰቀለ ወታደሮች ሲያስወርዱ ህዝቡ ተቃውሞውን አሰምቷል።
ቀኑ በማህበራዊ ሚዲያዎችም እየታሰበ ነው።
የወልቃይት ማንነት አስከባሪ ኮሚቴ ሰብሳቢ የነበሩት ኮሎኔል ደመቀ ዘውዴን ለመያዝ ከትግራይ ክልል የመጡ ታጣቂዎች ከደህንነት አባላት እና የአጋዚ ወታደሮች ጋር በመሆን ኮሎኔሉን አፍነው ለመውሰድ ያደረጉት ሙከራ በህዝቡ ተሳትፎ መክሸፉ ይታወሳል።
በኦሮምያና በአማራ የተነሳውን ህዝባዊ አመጽ ለመቆጣጠር አገዛዙ ከፍተኛ የሆነ ሃይል በመጠቀሙ ከ1 ሺ በላይ ሰዎች ተገድለዋል። በ10 ሺዎች የሚቆጠሩት ደግሞ ታስረዋል።

በሌላ ዜና በአርበኞች ግንቦት7 በሽብር ወንጀል ተከሶ በእስር ላይ የሚገኘው ታጋይ አበበ ካሴ ፣ በእስር ቤት የተሰፋለትን ዩኒፎርም አልለብስም በማለቱ ጨለማ ቤት ውስጥ ታስሮ መክረሙ ታውቋል። አበበ ዩኒፎረም እንዲለብስ ሲጠየቅ “ ጥሩ ጊዜ ላይ ነው ያሰፋችሁት እናንተው ትለብሱታላችሁ፣ እኔ አልለብስም” በማለቱ የተበሳጩት ፖሊሶች፡ ለወራት በጨለማ ቤት ውስጥ አስገብተው ከፍተኛ የሰብአዊ መብት ጥሰት ፈጽመውበታል። አበበ በቅርቡ ከጨለማ ቤት ወጥቶ ፖሊሶች ጥበቃ ከሚያደርጉበት ማማ ስር ብርድና ሙቀት እየተፈራረቀበት ውሎና አዳሩን እንዲያሳልፍ እየተገደደ ሲሆን፣ ዩኒፎርም አልለብስም በሚለው አቋሙ እንደጸና ነው።
ታጋይ አበበ በተያዘበት ወቅት በማእከላዊ እስር ቤት የሁሉም ጣቶቹ ጥፍሮች ተነቅለው፣ በዘር ፍሬው እና በመላ አካላቱ ላይ ከፍተኛ ድብደባ ተፈጽሞበት መረጃ ለማውጣት ፈቃደኛ ሳይሆን ቀርቶ በመጨረሻ ቂሊንጦ እስር ቤት ከተወረወረ በሁዋላ፣ የደረሰበትን ችግር ሁሉ ዘርዝሮ በመጻፍ ለመገናኛ ብዙሃን በድብቅ እንዲደርስ አድርጎ ነበር።
ከሁለት አመት በፊት ፍርድ ቤት ቀርቦም በእስር ቤት ውስጥ ስለሚፈጸምበት በደል ሲናገር፣ ‹‹ማረሚያ ቤቱ እራሱ ቀበቶ ይሸጣል ግን ቀበቶ ይከለክላል፡፡ ለምን ብለን ስንከለክል ሱሪያችሁን መፍታታችሁን እንድታውቁት ይለናል፡፡ በተለይ እኔ በማንነቴ ላይ ያነጣጠረ ጥቃት እየተፈፀመብኝ ነው›› ብሎ ነበር።
ታጋይ አበበ ዳኞችን ‹‹እናንተ ግዴታችሁን ተወጡ፤ ስለ ስርዓቱ ብዙም ነገር አልልም፤ በእርግጠኝነት ስርዓቱ ይወድቃል›› ማለቱ ይታወሳል።
በመፈንቅለ መንግስት ሙከራ ታስረው የሚገኙትና በድብደባ ብዛት እግሮቻቸው ሽባ የሆኑባቸው ኮሎኔል ደምሰው አንተነህ ከዞን 4 እስር ቤት ታንከር ወደ ሚባለው ቦታ መዛወራቸው ታውቋል። ኮሎኔል ደምሰው ታንከር ወደሚባለው ቦታ የተዛወሩት በእስር ላይ ከሚገኙት የቀድሞው የደህንነት ሹምና የህወሃት ታጋይ አቶ ወልደስላሴ ወልደሚካኤል ጋር በመጋጨታቸው ነው። ኮ/ል ደምስው የደህንነት ሹሙን “ አንተ እጅ ላይ የብዙ ሰዎች ደም አለ” ብለው እንደተናገሩዋቸው ታውቋል። በሙስና ተከሰው 10 ዓመት ተፈርዶባቸው በእስር ላይ የሚገኙት የቀድሞው የአገር ውስጥ የደህንነት ሃላፊ አቶ ወልደስላሴ ፣ በእስር ቤት የምክር አገልግሎት ይሰጣሉ በሚል ቢሮ ተሰጥቷቸው፣ ሌሎችን እስረኞች እያስፈራሩ ነው።

Categories: ሬዲዮ ዘመራ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s